يوم الوطن.. فاحت بالأمجاد ذكراه
فعل العظيم اللي تجلت صفاته
هذا الوطن.. شامخ من أقصاه لأقصاه
ما هزت رياح العوادي ثباته
الله وهبنا درة الكون وحماه
وبراية الاسلام صرنا دعاته
اختارنا الله نخدم الدين ورضاه
ونعلم العالم ونجمع شتاته
فكر الشجاع اللي سبق فعل يمناه
لليوم وأحلام الوطن من عناته
تعب حتى تحقق له أمانيه ومناه
تقبل الله دعوته في صلاته
عبدالعزيز اللي على الحق ممشاه
مضرب مثل للناس في تضحياته
واخوان نوره من بعد خطوا خطاه
شالوا مسيرة عز وأبلوا بلاته
تاريخ نفخر به.. وبالروح نفداه
تنشي رياحينه.. ويزهر نباته
واليوم في عهد الفهد بان مبداه
أنا أشهد انه ما اهتنى في مباته
يسهر على شعبه ويعطي عطاياه
ريح نفوس الشعب واتعب عداته
وعبدالله اللي بالمهمات ننصاه
ملجا لمنهو مبتلى في حياته
صدق النوايا ميزة في نواياه
نتعب وحنا ما لقينا سواته
ونمشيي لأبو خالد على كل مشهاه
حنا يمينه يوم يخطي خطاته
واليوم نحصد بالوفا ما زرعناه
وتثمر لنا بالحب جنة جهاته
وصى عياله بالعدل والمساواة
واخوان نوره جودوا له وصاته
غصب على الحساد مجد بنيناه
غصب عن الحساد حنا حماته
يا الله تحفظ قادة الأمن يا الله
وتوفق الراعي لخدمة رعاته
