بديت باسم اللي للارزاق قسام
الخالق اللي كلنا نلتجي له
ابدأ بذكر الله واسطر بالأقلام
قصيدة تحمل معاني جليلة
يا دولة التوحيد يا دار الاسلام
يا ديرة الفرسان وأهل الفضيلة
لابن الوطن رحمة وللباغي اعدام
نيران يوم الحرب تشعل فتيله
يا كيف كان الناس في سابق أعوام
كان القوي ياخذ ذراعه وسيلة
وجالك شديد الباس شهم ومقدام
وحد شعوبك كل شيخ وقبيلة
زال الفساد في حماه البلد نام
حكم كتاب الله ودينه دليله
عبدالعزيز اللي بنا المجد باحكام
من دون طياره على ظهور خيله
وعقب لنا شيوخ حكيمين وكرام
يا الله عسى الجنة نهاية رحيله
اليوم في حكم الفهد حظنا قام
عسى حياتك يا فهدنا طويلة
ملك قلوب الشعب والشعب به هام
في كل دنيانا فهد يندعي له
فوق الدول يا دولتي تاج واعلام
لبسك ثياب العز وانتي أصيله
عشتي سنين المجد والمجد قدام
في ظل من لا تاخذه فيك حيله
فهد العظيم اللي عن الامن ما نام
ما نامت عيونه عن الشعب ليله
أمن وأمان وعلم وايمان ونظام
والجهل أعلن في وجوده رحيله
طور بلاد العز مع مر الايام
لين أصبحت حتى الفضاء ترتقي له
والحمد لله فاق عمرك مائة عام
أمن وأمان وشعب يفخر بجيله
ما ظنتي دولة تمتع بحكام
فيهم صفات آل السعود الجميلة
يشهد لهم تاريخ وكتاب واعلام
فخر يسر الروح لو هي عليله
والجيش من دون الوطن ضد الاخصام
سام المسالم والمعادي يزيله
وصلاة ربي كل ما طائر حام
على رسول كلنا نهتدي له
