الوطن عز المواطن والفخر لك يا السعودي
يوم دارك مهبط التوحيد والرايه سديده
لا إله إلا إلهٍ واحدٍ هو معبودي
والرسول محمد اللي خصّه الله في عبيده
ديننا دين التسامح لا مسيح ولا يهودي
مسلمٍ شرعي صلاة وهمتي دايم أكيده
يا بلادي دام جودك من وجودك هو وجودي
نرفع الراية نفاخر في حكومتنا الرشيده
دام عزّك يا بلادي دام عزّك بالفهودي
في ظلال رجال عزّوا دولة الله بالعقيده
أسرةٍ وحده مشينا ما استمعنا للحسودي
من يصون الله داره عيشته تبقى سعيده
الوطن حقه علينا واجبٍ حبه يزودي
يومنا هذا سعيد ونطلب الواحد يعيده
ذا كلامي بالنهاية والفخر لك يا السعودي
والولاء بأقصى الضماير نعلنه وسط الجريده
