بسم الإله الواحد الفرد الصمد
اللي خلقنا من عدم سبحانه
أبدأ بذكره والصلاة على النبي
وأقول قولٍ والوطن عنوانه
يوم الوطن يوم علينا غالي
يوم إن كل يفتخر بأوطانه
المملكة نفخر بها ونعزها
ومعزها رب رفيعاً شأنه
أرض بها مكة وفيها طيبة
وفيها الإله منزل قرآنه
ومنها الرسول اللي بدأ بالدعوة
اللي نشر دينه بكل أوطانه
دار على نهج الشريعة سارت
والظلم عنها منهزم شيطانه
بقيادة اللي ماضيات أفعوله
يا بعد هقواته وقو ايمانه
عبدالعزيز اللي قوي الهيبة
يا قو سطواته على عدوانه
هلل وكبر وستعان بربه
وصمل على رأيه وركب إحصانه
ووجه على قصر الرياض بجيشه
معه أربعين من الرجال أعوانه
وحد جزيرتنا بكل اجهوده
يوم أحسن النية وربه عانه
واليوم في عهد الفهد حاميها
ولها الفخر في خطته واتقانه
الحق منها والعدالة فيها
الحق فيها ثابت ميزانه
المملكة تضرب بها الأمثالي
في عهد أبو فيصل فهد واخوانه
هذا كلام العبدلي ببلاده
حباً بقلبه ترجمة بالسانه
وصلوا على اللي سنته متبوعة
الدين وضح سنته وأركانه
