يوم الوطن له عندنا قيمة غير
وله ذكرياتٍ تستحق القصيده
وله عندنا حشمه وشيمه وتقدير
يومٍ له أمجاد ومواقف عديده
يومٍ مصَّور داخل الفكر تصوير
وفي كل عام أفراح شعبه تعيده
يوم توحد به وطن وابتدى الخير
والمملكة صارت بحالٍ سعيده
من يوم وحدها زعيم المشاهير
عبدالعزيز اللي فعوله فريده
حكم بشرع الله وسنه وتفسير
والشعب راضي بالحكم والعقيده
ما فيه عن ما يرضي الرب تأخير
وما يرضي الله كل ساعه يزيده
حتى أصبحت دولة سياده وتصدير
وتاريخها يحظى بوافر رصيده
ترفض مفاهيم الخطأ والمحاذير
ولا تقبل اللي يعشقون المكيده
دوله لها حكمه وهيبه وتأثير
للسلم سلم وللمعارك شديده
من شانها ناقف جموع وطوابير
ورجالنا وقت المواقف وليده
أرواحنا ترخص ولا فيه توفير
من شانها الروح العزيزه زهيده
دولة كتاب الله ودولة هل الخير
من دونها ما فيه علمٍ نعيده
الله يجنبها صدوف المقادير
وتستاهل التقدير واصدق قصيده
