كلنا حب الوطن فينا أكيد
والأكيد إن الوطن منا وفينا
مانساوم بالوطن لا مانحيد
وللأمانة للوطن حقٍ علينا
تحت أوامر صاحب الرأي السديد
حاكمٍ ليمن أمر ب أمره مشينا
ذاك أبوفيصل عسى عمره مديد
وأبو متعب والي العهد الأمينا
وأسرة آل سعود من وقتٍ بعيد
أسرةٍ طول الزمن متكاتفينا
كلهم مع كلنا سيد وسيد
شعب واحد بالتلاحم ثابتينا
ما نهاب الموت ما نخشى وعيد
نردع الطاغي ومنهم معتدينا
نستعيد أمجاد ماضينا المجيد
يوم أبوتركي مشى بالأربعينا
نيته لأمجاد آبائه يعيد
في خفوقه للوطن شوق وحنينا
وأستعاده بعد هالجهد الجهيد
بعد صبرٍ أنهكه طول السنينا
وذوب الصعبات تذويب الجليد
وأرتقى درب المعالي وأرتقينا
صرنا أخوة بعد ترحال وشديد
في وطن يزهو بحب المسلمينا
أمتطينا صهوة العلم المفيد
نهجنا نهج الأسود الأولينا
نبني الآمال مع الفجر الجديد
نحمي حدود الوطن مانستهينا
ومهما نكتب من مشاعر أو قصيد
للأمانة للوطن حقٍ علينا
