الا يا حي ها التاريخ تاريخ أول الميزان
توحد به كيان المملكة باسم السعودية
بعد طول المطارد فوق كور وفوق سرج حصان
يبوج ابها الفيا في لين قصى الداب والحيه
بعد لم الشتات وكل قاسي لأبو تركي لان
جزاء الإحسان بالإحسان وأغضى عن هل السيه
توالفت القلوب وصاروا العدوان تقل اخوان
بعد زال التناحر والحزازه والكراهية
وساد الامن والايمان وزانت يوم كلش زان
تمتع بالرخاء والعدل والأحكام شريعة
شمخ مبناه حيث انه على التقوى أسس البنيان
عساه بجنة الفردوس يجزاء صالح النية
ترى هذاك أخو نوره إمعزي مرعب العدوان
فتح تاريخٍ أبيض تفتخر فيه السعودية
بعد ما أقفى تسلم دفته ربان من ربان
مشوا باللي مشابه وأصبحت دوله حضارية
يهابونه إعداه ويستظل بظلها الصدقان
لو احصى ما قدرت احصى مواقفها الإنسانية
نفاخر في بلدنا منبع الاسلام والايمان
بلاد طاهرة مهبط رسالات سماوية
ولا نرضى خطأ المخطي لو إنه كاين من كان
تربينا على الاخلاص والمله حنيفيه
عدل وامان وأمن ومن بغى يغويهم الشيطان
عليهم حكم شرع الله ولا بالحكم ماويه
عساها كل عام بزود خير وعز وإطمئنان
تحت حكم الزعيم اللي سعى له بالرفاهية
