لوي دريت أنك تخون المواثيق
إن كان ما اغطيتك بحبي وثيقه
من أول أنته مسندي حزة الضيق
وأنا لك المسند إلى جاك ضيقه
واليوم أنا لك يا هوى البال ما أليق
ليه المجامل دام هذي الحقيقه
مدري متى من غفوة أوهامك تفيق
مدري متى التايه يعود لطريقه
لا رحت يم الغرب عودت تشريق
تصد عني والجفا من يطيقه
راجع حسابك قبل تسعى بتفريق
ما أقوى فراقك يالغضي لو دقيقه
أنا أشهد أنك محرقٍ للعواشيق
ولعت يا خلي بقلبي حريقه
لك منزلٍ من بين كل المخاليق
ما أحدٍ يطوله من جميع الخليقه
غيرك محبتهم دعاية وتلفيق
إلا أنت مثل الماس يلمع بريقه
جفاك نشف دمي ويبس الريق
عود عسى الظميان ينبل ريقه
