وشلون باكتبك دام الناس تقراني
أو ليه باكتبك دامك ما انت قاريني
غنيت لك لين صرت القاك بالحاني
وكتبت لك لين صرت المسك بيديني
يالمترف القاسي اللي جيت لاوطاني
واستوطنتك الديار ورحت تنفيني
اخذني الحب مدري وين وداني
واليوم هذا مكاني وينك وويني!
لو كان لك قلب كان يجيك ما جاني
يا نور عيني ولكن طحت من عيني
اوعدك اشوفك بعيني واحدٍ ثاني
واذا ذكرتك دخيلك صد ناسيني
وان قلت لي: ليه.. قلت الوقت خلاني!!
أو لا حرام يتحمل ذنبي سنيني
من علم.. الناي صوتي لين بكاني
من وصل البرد جوفي واختفى فيني
من حرص الريح تكسر علبة الواني
حتى غدى اللون مظلم في شراييني
البارحه.. بس كنك تجمع أحزاني
وتفلها كنك اللي ما يداريني
البارحة.. بس كني واحدٍ ثاني
حاولت اراجع غلاك وطحت من عيني
