لحظة الأفراح وأشواق المشاعر
استمدت للمكان أغلى قصيده
الشعر ترجم أحاسيس وخواطر
والمعاني لبست ثياب جديده
يا هلا باللي له الخفاق طاهر
الزعيم اللي معاريفه عديده
شوفته مثل الزهر من عقب ماطر
وجيته مثل المواعيد السعيده
مرحباً سلطان من كل الحناجر
كثر خطوات الركايب من بريده
في وصولك اعتلى عطر المباخر
في حضورك الفرح أمسى نشيده
مرحباً في دارنا أم الجواهر
درةٍ بين المدن دايم فريده
ديرةٍ تجمع منا عير ومفاخر
والمكارم والتقاليد الحميده
طبع أهلها يوم حزات المخاطر
الولا والطاعة وصدق العقيده
بايعين أرواحهم يوم أنت خابر
فدوةِ دون الوطن والي يريده
الوفاء مبطي بهم ماهوب عابر
كل عودٍ بالوفاء أوصى حفيده
هذي عنيزة صداها بالمنابر
من فضل الله ثم فهد وعضيده
