الله يعز الوطن ويعز حكامه
يعز دارٍ تعز الدين وتصونه
الدولة اللي على الإسلام قوامه
دستورها الشرع وأهل الخير يمشونه
يا للي تخون الوطن وتهدد اسلامه
أرواحنا للوطن والدين مرهونة
لخادم البيت يشهد لابس احرامه
فهد ملكنا ذراه وخادم اركونه
وولي عهده عضيده عالي الهامه
قاد الحرس والشجاعة فيه مضمونه
وسلطان له بصمةٍ فالخير بابهامه
له وقفة بالعطا والطيب مقرونه
والأمن نايف رعاه ويملك زمامه
حط الوطن والأمن والشعب بعيونه
حنا حماة الوطن والدين خدامه
والمملكة دارنا بالعز مصيونه
ما همنا من يجي بافكار هدامه
من ينقض العهد كل الناس ينفونه
الله يعز الوطن ويعز حكامه
يعز دارٍ تعز الدين وتصونه
