يا وقتنا ما ادري وش اللي يغيرك
دايم تقلب بين هم وسعاده
الناس في كل الوسايل تقزرك
كل على ما قيل حسب اجتهاده
يالادمي دورات الايام تنذرك
مار اغتنم وقتك بكثر العباده
احرص على اللي ينفعك مايخسرك
عقب المعزه لا تجيك النكاده
كافح زمانك والبشر لا تحيرك
اثبت على طيبك بهمه واراده
قدر رجالٍ بالمواقف تقدرك
وجنب رديٍ مبتلى بالقراده
لا تلتفت للي الى شان خاطرك
يفرح عسى الله ما يحقق مراده
لا جاء اللزوم بساعة الضيق ينكرك
طبعه غريب وفيه الانكار عاده
احذر تساير سيرته لو يسايرك
اخاف تصبح فيك بعض البلاده
حنا بوقتٍ يافتى الجود يجبرك
تمشي بتفكيرٍ سليم وركاده
ساير زمانك والله اللي يدبرك
واصبر على حر الزمان وبراده
دنياك في كثر الجهل لا تحاصرك
زرعك تبي تجنى الثمر من حصاده
والى وصلك الموت ما هوب عاذرك
لكن عسى الميته بنطق الشهاده
