افعل.. وسو بعاشقك ما طرا لك....
لو تقلب الدنيا على راس مغليك
أنا جوابك.. كان هذا سؤالك....
وكل الزمن ما شرهته غير يرضيك
يا سعد منهو حاز مثلك.. ونالك..
اسمع غرام اللي يبيك ويناديك
ايه اتبعك واطلب رضاك اوصالك
ما خالف احساس يحبك ويغليك
الروح.. ما ترخص حبيبي سوالك
يا كيف وأنت بداخلي من يساويك
طول علي يا نور دنياي.. بالك
وتشوف كيف العشق يصبح ويمسيك
اشم شوقي.. لا حشا أشم فالك
وشلون ما شمك.. وأنا ميت فيك
مرتاح دام الشوق.. ملكك لحالك
ما بي تشارك الغلا العين.. تخزيك
يموت عذالي.. لياجا مجالك..
واضحك ألين الشوق يقول يكفيك
