لولاي افكر يوم تطري الطواري
لغدي كما بناً على جمر فحام
يقطعك يا قلباً مع الهم جاري
يرده مواريداً توديه الأوهام
قلباً غدابي بين بايع وشاري
نوجاً يؤخرني ونوج قدام
يالح قلبي يوم جيت الطواري
وشفت الرسوم اللي نجيها من العام
والله يالولا رد كثر المزاري
اني لصوت من شروره الى الشام
واقول يالزراي مانته بداري
ولا انته بقاري خاتمة غيب الأيام
والله لولا امراً يجينا اجباري
امرٍ يجي من عند غذاي الأيتام
لصيح صيحت واحدا ما يداري
وناطا ليا قمنا على رؤوس الأقدام
بلاي يا غزاي سبع الغداري
ليا من كلاً عن طريق الهدى نام
ما يوصلنه مبعدات المساري
ولابه مراسيل تجي عنه باعلام
يا عنك عن حقه ماهوب متزاري
ولا هوب ياكل حق غيره فالإسلام
عيداً لسمحات اللحي فالعساري
ويبكن سمحات اللحي عقب سطام
ويبكن عقبه لابسات الجزاري
ومحرماتٍ عقبه الزوج تحرام
قام بصحيح وقام معه المباري
وملهماً راي يفك ابه الاحكام
ما نيب إنا قلته هذا قول غاري
وكلاً ينادي به على رؤوس الأقلام
ولاني بقول الناس غيره حباري
الناس فيهم من يرسّم وحجام
وبلاي والله خابر لي خباري
وعز الله اني لو تأثرت ما انلام
ولا تشمت أمه لو تهل العباري
ولو انها تبدي طويلات الارجام
ولو أنها تقنب قنيب الضواري
من واحد ماهوب يقطع فالأرحام
يا الله يارب البشر والذواري
يا عاقل يوسف بعد عدة أعوام
إنك تجيره من نهار العزاري
نهار في يوم يضيعن الأنسام
