تستاهله يارفيع المجد يا الوافي
والمدح تستاهله والطيب تزهاله
ان قلت ابمدح وش امدح فيك يا كافي
كل المراجل كسبته وانت خياله
الطيب يستأذنك ياالمعدن الصافي
والمجد من شيمتك يخضع وتشتاله
وثلج المبادئ يعيش بذاتك الدافي
وبيت المكارم تعيش الناس بظلاله
البيت بيتك بنيته مهجع اللافي
يكفيك بيتاً بنيته وانت منزاله
يامنبع الطيب فيك الطيب يستافي
واللي مثل مجدكم مشهود بافعاله
الفعل فعلك نقول وفيك الانصافي
وكلٍ على فعل ابوه وما فعل خاله
والناس كلٍ يقول الفيصل الوافي
والحق ياسيدي سيفه ومعداله
