هلا ترحيبةٍ يوضي سناها نجد وهضابه
ويشم أطيابها اللي ساعي باقصى مناكبها
تحية خادم لمعزبه عجله الترحابه
نصت سلمان تحمل وردة من كف كاتبها
أميرٍ للرياض العاصمة درعٍ تلوى به
ايدين الخايف ويأمن لياليه وتقلبها
أيحاور من يناور لين يأخذ كل ما جابه
ولا يحكم بغير الشرع واحكامه يسير بها
طبيب المشكلة يلقى دواها ثم يقرابه
وليا شربت علاجه ماتت وماتت سبايبها
وكرسيه على ذروة سنام المجد يدار به
أمثبت بالشريعة يأمر وينهي يحكم بها
وثلاث خصال منه وفيه مثل السيف وقضابه
ابوردها مثل ولا به اكثر من يحسبها
شجاعة عنتر العبسي نهار الكون يغزا به
يدير المعركة بمقدمتها لين يكسبها
ولو مات السمو أل فالوفاء حي مع اصحابه
وكاد ان صاحبه سلمان بافعاله يليق بها
وتعداء حاتم الطائي بما يفعل ويحكا به
ليا هلت مزونه بالكرم تروي مرْاقبها
نسل من سل سيفه وابرم الخطة الحرابه
ولا غيره حكيمٍ غامر ووفق وفاز بها
ابو تركي زعيم ما طلع مثله أسد غابه
جمع له امة قبله تقاتل والشتات بها
على عوص النضا لوح بعزم اوزان مركابه
عليها ودرهمت به والنصر يبراء لراكبها
يدٍ فيها كتاب الله يناديله ويقرابه
ويدٍ فيها المنية تبرق وترعد سحايبها
نص اللي ترتجيه ولا تبي غيره تذرا به
حصينة تنتظره وجالها وافي وراغبها
تحبه ما تخفت ترفع العزوه وندا به
ولاجل تطمينها يرسل مراسيله ويند بها
دخلها في ظلام الليل واصبح يفتل اشنابه
مهرها الدم الأحمر يشهد الأجرب أمْخضبها
وعلى اسمه رضت وصدقت مهيب كذابه
سترها وقفلت بيبانها محدٍ يقربها
وقيادتنا لعقيدتنا ذرى وللسلم حبابه
وتصد الشر واهل الشر وامن لمن يلوذ بها
هم اللي يشهرون السيف فوق وصدق ومجابه
ملوك للعرب والشرع منبرها ومذهبها
بقوانين السماء تحكم من القران نرضابه
وتدرس ما يفيد المجتمع تفخر بواجبها
اسود حكمكم ميراث ما خذتوه بنهابه
ولا جاكم من احزاب تصفق والدمار بها
حكمتو بالعدالة والوفاء للشعب يا حبابه
ايديكم بيض والتاريخ صفحاته يقرا بها
وهلا ترحيبةٍ يوضي سناها نجد وهضابه
ويشم اطيابها اللي ساعي باقصى مناكبها
