قالوا تجمّل قلت ياما تجملت
وش فايدة يا ناس بعض الجمايل
ياما وياما شلت ياما تحمّلت
كبر السراة وكبر ضلعان حايل
مشكلتي اني مع ردي تعاملت
من طبع ناس عايشه بالتحايل
ماملت أنا مع مايل الوقت ماملت
وأستغفر الله ما عليها كمايل
خلت السحابة بأول الوسم أنا خلت
عسي مطرهاك السحابة همايل
نطيب للطيب ولأجله تساهلت
برد الشتا مع حر رمضاء القوايل
وعن المراجل ما أذكر إني تكاسلت
لوجيه ربعي طايل المجد طايل
ما علت في طبعي وباموت ما علّت
يوم الجماله عوّدت للفسايل
واللي تحلت الهرج بلسانها حلت
سم السقطري زاد حمى الملايل
ما فيهم اللي شايل ربع ما شلت
الكل منهم من ردى العرف كايل
قلته ولا من جملة الناس قللت
كذا وكذا موجود بين القبايل
مجهّل العاقل لجهله تجاهلت
غلّه يزود ولاحقنا خمايل
وما زلت اكرر داخل الصدر مازلت
اللي سوى وجهه عن الكون زايل
