هنيّك يالسعودي بالسعوديه وبآل سعود
والا يا سعد عينك داموا آل سعود سادتنا
أبو فيصل وابو متعب وابو خالد ثلاث فهود
وامير العاصمه سلمان ونايف سور دولتنا
هل العارض هل المله هل العوجا فنار الجود
حماة الدين حرّاس العقيدة رمز وحدتنا
وزمزم والحطيم وكعبة البيت الحرام شهود
وطيبه والرياض وجدّه توثّق شهادتنا
عسى المولى يخليهم لنا ذخر وسند وعضود
وعسى المولى يوفقهم لخير وصالح امتنا
لهم منّا العهد والله وامانه ما نخون عهود
تعاهدنا على الطاعه وتجمعنا عقيدتنا
ولهم صادق ولانا وانتمانا في رضا المعبود
ولهم منّا الوفا وايضا لهم خالص محبتنا
تحت رايتهم الشعب السعودي كل ابوه جنود
جميع الشعب جاهز رهن اشاره من حكومتنا
ولك الله يا وطنا ما نخذلك والعدو مضهود
شريعتنا كتاب الله وآل سعود قادتنا
اقوله وادري ان الحكم لله ثم لآل سعود
هل العادات سادتنا وقادتنا وقدوتنا
