تفضلي.. شوفي جروحي وبلواي
واملي عيونك بالنظر في جروحي
ثم احمليها واعزفيها على الناي
وانا ابحمل ما بقى.. من صروحي
كنتي هواي.. وكل شيء بدنياي
واليوم غبتي عن مساحات بوحي
وكنتي اميرة قلبي.. وسر نجواني
واليوم قلبي في غرامك.. شحوحي
وكنتي لي الماضي وكنتي لي الجاي
واليوم مالك نبض في وسط روحي
انا عطيتك كلي.. اقصاي وادناي
وانتي عطيتيني.. جروحك.. ونوحي
واليوم جيتي تسأليني.. وش الرأي
خلاص انا قررت ابحمل جروحي
وارحل بعزة نفس.. وبعزة اخطاي
وانتي مع النسيان يا بنت.. روحي
