رفقة رفيق السوء نقطع بها اليأس
وقبلي نوادير العرب ميسينه
ما عاد لي عنده وناسة ومجلاس
لا والذي يعلم خفي الضغينه
وأنا بحياتي مالك خمس الاحساس
ما أرافقه والبعد بيني وبينه
له ناس من غيري وأنا عنه لي ناس
وكلٍ على ما قيل يلقى خدينه
أحدٍ خدينه فيه عزن ونوماس
وجه مبارك بالمراجل يعينه
في كل ماجوبٍ وفي يرفع الراس
وافي من الوافين دنيا ودينه
واحدٍ خدينه مكسبه منه الأفلاس
ما شاف منه الربح طيلة سنينه
من رفقته ذاق المراره والأتعاس
حصايله من رفقة الشين شينه
رفقة رفيق السوء من بعض الأجناس
رفقة رفيق السوء شر وغبينه
من رفقته حذراك يا طيب الساس
لا ترافق الأشرار تصبح رهينه
لا تجتبس من مجبس الشر مجباس
ترى القرين يصير مثله قرينه
وصلاة ربي عد ما هب نسناس
على النبي اعداد وبل الغشينه
