فوق الجروح اللي بقلبي من سنين
يكفي دخيل الله لا تجرحوني
ما دامكم ما انتم لجرحي مداويين
انسو وجودي بينكم واتركوني
وش من عذابي والعناء مستفيدين
وش مصلحتكم يوم تبكي عيوني
اللي بقلبي من شقا العمر كافين
واللي بعيني شفت زوّد جنوني
ما نيب ناقص زود بلّه على الطين
بالعكس انا محتاج قلبٍ حنوني
ياهل القلوب القاسيه ويش ناوين
اكثر من اللي صار.. صعبٍ يكوني
اناشد الرحمه واناشدكم اللين
لوجه رب البيت بس اعتقوني
