كسرت الحاجز اللي حال بين الحلم والتحقيق
ولقيت احلام في دربي انا وشلون احققها؟؟
اقرب واكثر النظره واجرب كثرة التحديق
واشوف النظره الوحده لروحي كيف ترهقها
بقيت بحلم يا جيت لغروبه بان لي تشريق
واعيد لغربي الخطوه واشوف الغرب مشرقها
واعيد الخطوه بعكس الليالي واعشق التشويق
واروح لشرق دنياي ولقيت الغرب محرقها
ثلاث.. اربع خطا.. طالت وانا للسالفه ما اطيق
يطول الصبر وحروف القصايد دوم نعتقها
دروب العشق ما ترحم.. تعيش بظلمة التلفيق
وصرخات القهر دايم تبيع الدرب يطلقها
