جوي أصبح سراب وعج ومطار صيف
وأن غشاني ظلام الليل ما من سعه
كيف بصبر على الحظ الردي كيف كيف
طاح بأول طريقي ما قدرت أرفعه
ضعت بين البشر ما أشوف مثل الكفيف
ضعت ما عاد أعرف أن الجهات أربعه
والسبب واحداً زين وعقل يا لطيف
منبع الزين كله والعقل منبعه
أنت يبو العيون اللي هدبها كثيف
شيبي اللي طلع بالراس من طلعه
أنت جيت وسكنت العين ما جيت ضيف
منزلك والعيون بجيتك مربعه
وشتبي موقفي يكفيك موقف شريف
آه لو تسمع اللي صار لو تسمعه
عشت بعدك بعام ألفين وقت مخيف
عشتها مره أيامه وهم موجعه
وقلت يا وقت ما يحتاج خنجر وسيف
بس تكفا! وراح يطق لي بصبعه
