يا ناقل الهرج مالك فيه مصلوحي
مالك وماله تروّج له وتمشي به
لو كنت صادق وتسعى فيه بنصوحي
تنصح لراعيه لا يكثر عذاريبه
ما كل علمٍ تسمع فيه وتبوحي
احفظ لسانك عن النمات والغيبه
اللي تخفا مع الأيام مفضوحي
سود الليالي صدوق العلم تاتي به
راع النمايم يبوح بكل ما يوحي
ما يصبح العلم في بطنه ويمي به
لا جا يخافت يقول الناس لا توحي
عندي كلامٍ ولا أبغى الخلق تدري به
يبدي همومه على ما قال وينوحي
ويقنعك في هرجته بأسلوب تكذيبه
ما هو بصاحي يخلط الجد بمزوحي
تعجز تميز حركاته وألاعيبه
مقطع اربع يجيب الهرج ويروحي
بين الرفاقه يثير الشك والريبه
