يا حاضرة في نظر عيني وبالي
ما غاب عن ناظري زولك ولا يوم
صورتك ما تسكن إلا في خيالي
في يقظتي في منامي دايم الدوم
يا بيض الأيام يا سود الليالي
أنا الذي في سويدا القلب ماسوم
والمشكلة عن جوابي هو سؤالي
اجلس مثل ما تشوف الناس وأقوم
واللي جرحني من أدنى الناس غالي
محبته في ضميري مالها توم
ماوازنه بالحنان إلا عيالي
وان جادلوا في غلاها قلت يا قوم
وان سألوا الناس عني كيف حالي
قل حالت اللي يكيل الهم بالكوم
أنا على حاضري واللي مضالي
مغرم وباقي من الخلان مظلوم
اصل الغلا والمحبة راس مالي
واللي حصل من صروف الوقت مقسوم
مدري كذا صح وإلا من هبالي
افطر على طاري المياس وأصوم
