إن شاء الله مرحوم يا بوي مرحوم
عساك في الجنة.. لك دعاي دايم
عقبك وطرفي من حلا النوم محروم
قدام عيني دوم.. صاحي ونايم
ما فيه مخلوق عن الموت معصوم
الدايم الله.. ما سوى الرب دايم
يا الطيب اللي مّت ذكراك بتدوم
تذعذع على قبرك براد النسايم
يا بوي من موتك غدا القلب مهموم
يا حاج بيت.. وعابد الله.. وصايم
فيك الورع.. والدين.. والعطف مرسوم
اختارك الله في يديه العظايم
أكبر فجيعة واجهتني على الدوم
منها عن المشروب والنوم شايم
