لضد.. وضد في نفسي مجاله
وكثير اللي يقول انه استحاله
ولو تصبح حقايقها قساوي
ترى قلبي لها يقوى احتماله
ما دام إن النوايا سيل صافي
يشوف الحر به لمعة خياله
تبين كل خيرٍ مهما كانت
معاني لفظها صعبٍ مناله
أنا بزود المحبه دايم اطمع
عشان اسخي واخليها سباله
حلاة الخوف من عينٍ كسيره
حذتها الطيبه والآمان فاله
أنانيه أنا بنول الحناين
واشيدّ بالعطا في وظلاله
يمثل رحمة بين الشدايد
شموع من يمين ومن شماله
خطاوي هالزمن ليل ونهاري
عسى ربي يعين اللي مشى له
قمر ليل الدجى نوّر سماها
ولكن ما حجب طلعة هلاله
