على الواحد اللى قدرته تحيي الأموات
جزيل العطايا منزل الغيث سبحانه
كريم عن اللي يسأله يمنع السيات
وعلى الكون وأهل الكون متعلي شانه
عليه اشتكي من فقد دورٍ مضالي فات
صفالي وعن سوه تمتعت بإحسانه
أقضي طويل الليل في لذة المبات
ونهاري فرح والهم مضمون نسيانه
لكن الزمان إليا انعكس يهدم اللذات
مثل هادم اللذات لاحل سلطانه
فقدت الشباب اللي يشجع على الهقوات
بلغ عمري السبعين واختل ميزانه
وأنا مغرمٍ في شوفة البر والسجات
غرام الغريب لشوف حيه وحيانه
ترا المستريح من البشر طايح النوهات
خطاة البليد اللي عقب سلم جدانه
بشوف السنع لكن بعيون عميانات
ومداوم على عمياه من عرض عميانه
ولاله علاقه بالعرب طيبين الذات
ردي جداه وراهي أقول بلسانه
ما يفتر لسانه دايم الدوم ودوهات
تمل المحل إليا حضر فيه شانه
يا ليت الردي دونه ملايين كيلوات
على شان نبعد عن مرابيه واوطانه
وجعل الله على الاجواد ما يفرح الشمات
وبعزه يعز الدين ويذل عدوانه
