احمد اللي عزنّا داخل وطنّا
ربنا المعبود علاَّم السريره
وافي المدات يعطي ما يمنَّا
من بلاوي الوقت دايم نستجيره
عقب هذا يا وطنّا ما غبنّا
شلة الافساد في ارض الجزيره
يا وطنا كل مفسد ما شحنّا
دام نايف للوطن عينه سهيره
يا وطنّا كل شعبك ما تونّا
درع ضافي فاالمواقيف الخطيره
لا تهمك شلة قامت تدنّا
شلة التكفير لو جتنا مغيره
لا يهمك كل مجنون يجنّا
واحد مجنون ما يسوي شعيره
واحدٍ خان العهد ما هوب منّا
يصبح ويمسي وضلعانه كسيره
يا وطنّا نرخص الارواح حنّا
دون عرضك نرخص ارواح كثيره
كل واحد فالسعودية تهنّا
امن يضفينّا معه ستر وستيره
