عساك صادق في غياب نويته
وش فايدة دنياي لا غبت عنها
ليت الخفوق اللي دفنت وجفيته
يفدي عيون منك عافت وطنها
وليت القصيد اللي حبيبي هويته
يقدر يعبر عن مشاعر غبنها
الغبن كاويني وحبك محيته
ذكرى حبيبي طابت النفس منها
تدري حبيبي عن خفوق ربيته
تدري عن أمه كيف ضيع زمنها
هذاك يومني بدمي غذيته
«وأعلن عقوقه» وقال: وينه كفنها
هذا خفوقي وان غفلت ونسيته
يامر على كل المشاعر وينهي
تدري وانا ادري حبنا طاح بيته
ما عاد يبنى لو عطيته ثمنها
حب انولد من دون ذنب وطيته
وكل المشاعر تشتكي من دفنها
حسيبك الله وانت شخصك فديته
بالمهرة اللي ضاع منكم رسنها
