أول صحيفة سعودية تصدرعلى شبكة الانترنت
محاورة الأسبوع محاورة الأسبوع
محاورة هذا الاسبوع جرت بين شاعرينا الكبيرين مطلق بن حميد الثبيتي وشليويح بن شلاح المطيري مطلق: يا سلام الله سلام ليا هبت هبوبه ريح ورد وريح كادي ونسمة ياسمينا المطيري بعد جانا نبا نفرك جنوبه ياعسى جلده بعد يونس الفركة يلينا شليويح: مرحبا بالشاعر اللي ينفخ لي ذروبه عقب ماجيتك بديرتك وانته ماتجينا الثبيتي عقب دخل يدينه في جيوبه مايبينا في معانيه بعنا واشترينا مطلق: انت عدك جمته ماتبا تملا غروبه لو وردنا فوقه اليوم نصدر ماروينا فزعة التهمان ماهي على الجوع مغصوبه يوم ظلت في تهامة على سمن وسمينا شليويح: اليتيم اللي يجي مرزقه ماهو بدوبه وانت تجحد مانمده ومده من يدينا الثبيتي كل ماستغفر الله عن ذنوبه زاده الله من ذنوبه عساها ماتجينا مطلق: المطيري بعد ماطولو بشته وثوبه ليت ماصفى حبوب يضيق ابها الجرينا من يبا ستر من الله مانكشف عيوبه مير بعض الناس دايم بعمره مبتلينا شليويح: المطيري ياخوي السعد قايم بنوبه وانت اظنك مانت غادي وحنا ماغدينا كل مداد على السوق جالب له جلوبه بوصة الفدوه صباحه تطلع من حدينا مطلق: لو تغيب ام الكباير لاصير لها عقوبه ثم اجيب الها رحات تدش الها الطحينا والمطيري كل ماخض بين الناس روبه يلحس الزبده علينا وحنا مادرينا شليويح: لاتقوله وانت باني خيامك ومحجوبه عقب ماصحبتها قلت لي حنا غزينا المنيحة مالقينا بها شي محلوبه وانت اظنك مصطبح من لبنها ياحسينا مطلق: ورثة الايتام تعرف عددها ومحسوبه لو توزعها علينا بطرنا واغتنينا المطيري لو يسوي مع الحرة دروبه والله انا مانخليه ياخذه علينا شليويح: انت ودك تخطب ام اليتام ومخطوبه لاتطول حكيك اللي يغش المسلمينا الثبيتي لاقي له جماعة ولعبوبه اصبحوا به في تهامة بعد حنا سرينا
[للاتصال بنا] [الإعلانات] [الاشتراكات] [الأرشيف] [الجزيرة] توجه جميع المراسلات التحريرية والصحفية الى chief@al-jazirah.com عناية رئيس التحرير توجه جميع المراسلات الفنية الىadmin@al-jazirah.com عناية مدير وحدة الانترنتCopyright, 1997 - 2002 Al-janirah Corporation. All rights reserved
