يحق لك تستمتع بعطلة الصيف
دامك نجحت وجبت تقدير ممتاز
خففت هم صار بالقلب تخفيف
نجاحك إنجاز لك وعندي إنجاز
خمسة عشر يوم ظنا القلب ما شيف
وأنا على أعصابي عن الناس منحاز
والحمد للمعبود جتني على الكيف
جتني على كيفي ولا عاد يعتاز
سر المحبة فالقلوب المواليف
وانت تعرف معناي وتحل الألغاز
شوقي تجاهك فوق كل التواصيف
يمشي على بنزين ما هو على قاز
متى على الله تلفي بدارنا ضيف
عن خطة السير اعطني بالله إيجاز
في مملكتنا شبّه باريس وجنيف
دار الجنوب اللي مصاييفه اعجاز
ازيارتك لديار الأحباب تشريف
يا بنت نجد أخطاك لدياري اعزاز
سوقي الركايب لا تحسب التكاليف
أنا معك فالخير والضيق معناز
تلقى الجبال اللي تعانقبها الطيف
والطير يلعب في سما الطيف جنباز
جوٍ يزيد الروح من غير تكييف
صافي نسيمه ما تعلّقبه الغاز
في عهد أمير المنطقة دايم السيف
صارت مناصٍ للمصيّف ومركاز
يا حيف يا للي ضيّع الوقت يا حيف
فرصة ثمينة من تغانم لها فاز
كيف انبسط يا صاحبي دونكم كيف
وانا لشوفتكم شفوقٍ ومعتاز
يالله سوى نستمتع بعطلة الصيف
تقديرنا ممتاز والوضع ممتاز
