اكهف النجم الحمر والليل هوّد
اه من قلب جروحه ماتهيدي
اه من قلب على جرحه تعوّد
لين سميته من اللي جاه عيدي
ما لقاه طب لين الجرح دوّد
وخالط الدم الحمر نزف الصديدي
وش يقول اللي من الشلفا مجوّد
شكته من الوريد اليا الوريدي
سبة اللي عندنا ذكره مشوّد
كل يوم بالغلا قدره يزيدي
ياسعد ياليت من قفا يعوّد
دام لي عمر على الدنيا مديدي
ليه يوم انه على جرحي يكوّد
ليه قدام الشقا ما قال ميدي
يمكن اني في حباله ماتجوّد
واتركه مع صاحب الحظ السعيدي
لا يقول انه على مثلي مزوّد
واعتزي واقول أنا ولد الحميدي
رافع راسي وراسي مايقوّد
ماتقود كود ثنيان الهريدي
سود الله وجه من وجهه يسوّد
ذا صحيح الهرج والعلم الوكيدي
