شفت نايف شايلٍ طفلٍ صغير
وينشده عن حاجته ويقبله
قال حاله يالزعيم ويالأمير
البلاد بلاد ماهي مسبّله
بك حنان الأب والأخ الكبير
ومن سعى بالشر نار نشبّ له
ومن يريد الخير يجزاء كل خير
ومن يبا التخريب شر نصبّ له
دونها لومات أبويه وش يصير
عارفين الموت هذا احب له
مانبيه يعيش بالديره حقير
يدفعونه حاقده ومطبله
مانحسب للكبير وللصغير
أي واجب للبلاد نهب له
لادقمنا الشوك حصلنا حرير
والضواري لو تعيش مكبله
ادبوا منهو يثير ويستثير
الحبايل للجنون محبله
وكان ماشلنا عن السيف الجفير
تطمع العدوان تجي مدبله
قالها حربي يصير اللي يصير
ومن يبي التخريب تبا وتبله
مالنا بالمملكة شعبٍ خشير
كود بالمعروف شي نذب له
نعطي الجزلات دايم للقصير
وما نحسب وش تقول مهبله
