هزني موقف عظيم من عظيمي
نايف اللي شايل عنا عظايم
قاسين وان جات للرحمه رحيمي
جعل حظه دايم يارب قايم
ماسح الدمعة عن الطفل اليتيمي
كل شخص شاف فعله باليتايم
ناصر المظلوم للظالم خصيمي
صار بنحور العدا سم وسقايم
فعلكم والطيب والنهج السليمي
عادة متوارثينه من قدايم
اشهد انه للوطن جنسه عديمي
بالوفا يامير ركزت العلايم
وعسى حكم السعودية يديمي
في ذرى ال سعود صلبين العزايم
من حكمها سيدها ذاك الصريمي
والنصر عنوانها والشر نايم
سادها بالسيف والراي الحكيمي
والشريعه ساس حكمه حق دايم
ابو تركي قاد شعبه للنعيمي
عقب ماهي تصطلي وسط الجحايم
الزعيم ابن الزعيم ابن الزعيمي
للعلا صقر الجزيرة فوق حايم
يالله انه في رصيده ياكريمي
يوم عرض الصحف مابين الانايم
والصلاة اعداد ماهب النسيمي
وعد ماهلت هماليل الغمايم
للنبي الهاشمي باخر نظيمي
شافعن للخلق عن حرّ السمايم
