الموت حق.. وعمرنا ايام واعوام
لو طال زرعٍ مقبلٍ له حصاده
لا ناقص أيامٍ ولا زايد أيام
مكتوب يومه قبل يوم الولاده
بأمر الاله اللي علم غيب الأرحام
وحده وهذه حكمته في عباده
والخاتمه هي منتهى كل الأحلام
هي مطلب المؤمن وغاية مراده
بداية المشوار.. والعلم.. قدّام
وتبقى له بدنياه.. نقص وزياده
يافريح لاتجزع ولله الاحكام
لله ما قدّر وما كان.. راده
حزين مثلك.. مير ما طاب مادام
لو شفت فيني بعض صبر وجلاده
لكن يساعدنا على الحزن لو حام
ان الفخر «سطام» سطّر وشاده
حيّاك ياموتٍ مثل موت سطّام
دون الوطن ضحّى.. ونال الشهاده
يوم اختلط في جوّها عج وكتام
جا مهديٍ روحه لعزة بلاده
يبقى لنا مصدر فخر دوم ووسام
على الصدور اللي لها الطيب عاده
ونبقى بعد دون الوطن درع وحزام
إليا نواه اللي نوته القراده
وتبقين يا دار العروبه والاسلام
ويبقى التلاحم بين شعب وقياده
