يا عيونٍ عليها مثل شكل الضباب
الثوابت ثوابت والمراجل تبي
السؤال الموجه نوب نص الجواب
والرجل لا تهاون بالصعيب يهبي
ادري إن الخطا معروف عكس الصواب
وافهم العلم ما ني بالطرايق غبي
عن حضور يسيء أختار نوب الغياب
قبل لا تعب لزوم اضمن ثمار اتعبي
شامخ الراس لي نظرة بروس الهضاب
راعي العزم يا صل لو مسيره حبي
معترف في عيوبي ما بها أية عياب
عيبي أن المعالي دوم هي مطلبي
ما استمعت لسوالف من يودي وجاب
اتبع الحكمة اللي قالها الاكلبي
شرهتي تلحق اللي لي عليهم عتاب
والردي لو تردا ما لحقه اعتبي
