مرحباً بك يالأمير ابن سعد
خالد الشهم الكريم ابن الكريم
ريس النادي وكل لك شهد
بالوفا والطيب فيكم من قديم
جدك المشهور يا خالد فهد
راعي الطولات والرأي السليم
واشهد ان الشبل من ذاك الأسد
ما بها شك وربي به عليم
طيبكم ياشيخ ما احصيه بعدد
والعظايم تصغر بعين العظيم
انت للصاحب حلو مثل الشهد
وانت والله للعدا سم الخصيم
الشباب اليوم يا صقر الهدد
قال ما مثلك ترى جنسك عديم
التطور بان يا طير السعد
واصبح النادي بعهدك في نعيم
جيت للنادي ونفذت العهد
وبان فعلك للسعودي والمقيم
اختيارك للقدامى والجدد
في محله واشهد انه في الصميم
وعاش نادينا بعهدك في رغد
ولاعبينا صار ما فيهم غشيم
أسأل المعبود الفرد الصمد
يثبتك على الصراط المستقيم
