طالت الغيبة على قلب المشاري
والصبر خلص وظلم الوقت عاني
ليلتي ظلما وانا ما اعرف نهاري
من سما فرحي غدت نجمة زماني
يا رفيقي صار انا حزني شعاري
أه لو تشرى العوافي والا ماني
اشتريها لو على البايع طواري
اشتريها لو غلا سوق المعاني
وين اوجه يا سنافي وانت داري
وكيف اعذر النفس انا حزني طواني
القدر مكتوب منا هو باختياري
والملا ما بين راضي وزعلاني
القدر لاجا فلا عنه مساري
وربي وربك كريم اللي عطاني
السكينه والصبر ذاك النهاري
والامل بالله ما غاب ونساني
ادعي الله لك على سر وجهاري
يمنحك طيب الشفا يالمودماني
