أدري انك سألت الليل عني كثير
وادري انك تنادي وش حصل بالغياب
وادري انك بوصلي هايمٍ مستجير
ترجي الشوق لهفه ليتها تستجاب
أدري وليه ما أدري كل شيء يصير
دامها شيء ماضي والرجاوي سراب
جرّب اللي جرا لي بين فوح وسعير
وابتعد وش بقالك خلها للذهاب
إنت سبة جروحك إنت مالك عشير
كيف تنسى عذابي برحلة الاغتراب
توك اليوم تفهم وش يكون الضمير
انتهينا ويكفي وش يفيد العتاب
خلك تعيش وقت فيه جرحك خطير
تشتكي هم ظلمك والعنى والعذاب
كنت لي شيء غالي في حياتي كبير
وللأسف كل ما بي أعلن الانسحاب
لا تجيني أمانة.. والقرار الأخير
خلك اليوم تدري وش يكون الغياب
