هبي بريحه يا هبوب وكل ريح
وبلي ثيابي يا مقاديم الوبل
مقوى على الصده عن الوجه المليح
لو الزمان يحط في رقبته حبل
ولا نقبل المدة من الكف الشحيح
لو عنزوه لواحد يعطي الإبل
أشره علي الرجال كساب المديح
ولا الخبل ما نيب قايل له خبل
يضيق عن صدري فضا الكون الفسيح
واظما ووبل الغيث يسبلني سبل
وش عاد لو إني من الواقع جريح
بالله يا قلب العنا خلك جبل
بالله يا قلب العنا قم لا تطيح
باكر على درب الشقى ينبت ربل
لا تسمح لريح ليامرك يصيح
شاف الجروح اللي بقلبك ونهبل
ما فيه حي في حياته مستريح
وأنا مجرحني زماني من قبل
هذا هو الواقع وذا الوضع الصريح
لا تعقد حجاجك وكبدك تندبل
باب يجيب الريح سده تستريح
والورد مالك فيه لا منه ذبل
