مرحباً يا ديرتي في هالشهر
شهر تنشط ويرعاه الأمير
الأمير اللي كما حر شهر
من نسل حرار ومن أصل غزير
مرحباً يلي كما طلت قمر
يا عزيز وطلتك النا تنير
يابن ماجد ريحتك مثل الزهر
خوش حكام تشير وتستشير
اطلبك يارب ياوال البشر
تغفر لماجد بالأول والأخير
واجعله يارب في قبر خضر
بعالي الجنات ولمحمد جوير
عزكم ينشر على روس الشجر
يال سعود من الصغير الى الكبير
والكرم والجود ما عنه مفر
داج بالعالم وبرك يالأمير
في ديارك واحتضن أكبر قدر
بساحة التنشيط ببريده يحير
لو تشوف ولو تجول وتنتظر
طارت أفكارك وللموقف تحير
الله أكبر كيف جابو هالقدر
كود طباخين مع رجل خبير
كان ما صدقت عني ذلخبر
أسمع أوصافه على سلك الحرير
عمقه المترين ويزدون شبر
وخمسة وعشرين عرضة يا قدير
وتسعة وتسعين جيبت للنحر
والذبائح في صعود وتحدير
والبصل تسعين كيلو تنتظر
وميتين قطعت شكله دوير
وسبعة وسبعين كيلو للبهر
والروائح والزفر مثل العطير
ومية وعشرين ماجي بالقدر
والطعم لا تسأل إلا به خبير
وسبعة وستين كيس ذي عبر
رزهم ياناس ذر رز كثير
والطبابيخ أحسبو خمسة عشر
وأربعين الي على الكبسة مغير
وأتعجب واعتبر ثم اعتبر
ما يسوى غير رجال بصير
ذخبير جدودنا قبل العشر
بالسنين الي على درب عسير
في جدودي تاجد الطبخ النضر
والطعم للجدودنا دايم عشير
وفي ختامه ارتجي منكم عذر
زايده عندي ويمكنه قصير
