حبيبي لجل عين الموقف اللي صار قبل اسبوع
رجعت أكتب وانا قررت بعدك لترك الساحة
عساك لخاطر الحب القديم تقفل الموضوع
انا جيتك وله ما جيت اذكر قلبك اجراحه
وانا لوجيت ابذكر من معاناة وألم ودموع
تعذبني ولا قلت لجروح الوقت براحه
ورغم ان الوصل ما بيننا يا صاحبي مقطوع
افضل تبتعد عني مدام النفس مرتاحه
افضل اطفي الشمعة وقبل الشمعتين اشموع
واعرف انك تعرف اني بها الشغلات لماحه
قطع حب يعذبني ويشقيني مثل ها النوع
وقطع حتى الحبيب اللي يهز القلب برياحه
وانا من شان ذاك الموقف اللي صار قبل اسبوع
تفجرت القريحة وانكسر قلبي لجراحه
