صداك يا صوت المحبين مازال
وسط الخفوق ودايم الدوم ينردّ
كل ما بغيت اذوق حلوات الاحوال
اسمع صداه وكل الانفاس تنمدّ
كل ما بغى البحار يرسي على الجال
موج المحبه يدفعه ثمٍ ابعدّ
اشوف همي بين الاضلاع تمثال
والقلب يمه كل الاوقات ينشدّ
وكل السبايب صوت تبديد الامال
لامن ذكرته يصبح الجيل منهدّ
يا كيف ابنسى من رماني بغربال
ودون السعاده يبني اصعابٍ وسدّ
ما نساك يا قاطع معي كل الاوصال
وغلاك داخل خافقي ما تجردّ
وهجرك ترى يا صاحبي ضيّق البال
واصبحت في حبك كما جزرٍ ومدّ
أحيان تحت الموج واحيان بالعال
مظلوم منك ورافض أكون لك ندّ
