يا غايتي.. لا ضاق صدرك.. وكتمت
ضاقت علي كل.. الفجوج الوسيعه؟
واحترت في وضعك ولي ماتكلمت
صامت وصمتك فيه نظره فظيعه
هدت.. كياني.. وندهشت.. وتلعثمت
وحسيت.. منها ياتلع الجيد ظيعه
كانك.. على عرفي.. غلطت وتندمت
يمديك.. خيلك.. توها بالطليعه
ومن باعني في عشرته.. ماتقدمت
وقالوه قبلي راعي البيع.. بيعه
وان كان وقتك فيه ضعت وتحطمت
قبلك بغيت.. اموت موته شنيعه
لكن في.. حقل.. التجارب تخضرمت
مريت في قحط.. الزمان وربيعه؟!
وان كان.. طبعك كاتم.. لو تكرمت
قل لي ترى وارضى عليك الهزيعه
وانا معك لو تسهر الليل مانمت
نفسي وجهدتها وما تستطيعه
اصل الوفاء من طبعي.. اللي تعلمت
تفنى الجبال ولاتزول الطبيعه!!
