هاض الضمير وتحرك ساكن شعوره
من هاجسٍ شاقني والنفس مشتاقه
الشارده من بنات الفكر مصخوره
يسوقها طايعه وتروح منساقه
طرقت بحر الخيال وصدت من حوره
غيدٍ هواهن كليف الجهد والطاقه
ما شاقهن فالنوادر غير أخو نوره
في جو علياه بالجنحان خفّاقه
فهد فهد من مجال اسمه ومقدوره
ينشي سحاب الثناء ويلوح برّاقه
لو كل مخلوق لأخلاقه تجي صوره
لقيت بدر الدجا في صورة أخلاقه
نفس تواضع ثقه مهيب مغروره
الله كتبها لصنع الطيب سبّاقه
يا ما.. ويا ما بذل ما عد مخسوره
يمناه بالفضل والمعروف دفّاقه
صنايعه في سبيل الخير مشهوره
وإلى انفتح باب شر يجيب مغلاقه
ذخر وفخر من فقد عزه ومذخوره
يضب ساق الكسير وينجبر ساقه
للموقف الصعب جاب دواه دكتوره
وأعفابه الله وبالله هبت أوفاقه
لولاه راحت عصا الإسلام مكسوره
بيدين من فالغداري يقطع الساقه
من دونها رد سكيّنه لحنجوره
صان الوفا ما نقض مفتول ميثاقه
من واقع التجربة ما يخطي سبوره
يصيب لب الحدث عن قصد وتفاقه
أهل السياسه يدوس أشوارها شوره
لا حمحمت وادلهمّت كل عملاقه
غبّة بحرها يقوسه قوس بشبوره
يهز أجلّ الخطوب وترجع دقاقه
هذا سراج الخليج اللي سطع نوره
فهد المفدى عمود البيت ورواقه
يالله عسى المملكة بالدين منصوره
ياللي خلقت ابن آدم وانت رزّاقه
