يا صاحبي والله انك عندي الغالي
الروح ما غير وحده وانت صاحبها
مالك شريك بروحي يا بعد حالي
تستاهل الروح لو انك متعبها
ناس للا شوفها ماجت على بالي
وناس ليا شفتها قمت اتجنبها
والا انت فالقلب في حلي وترحالي
تسلا بك النفس لو زادت متاعبها
مانيب في غيبتك داله ولا سالي
وان كان قالت لك الايام كذبها
حبك بقلبي تراه الاول التالي
يا مداوي جروح روحي يا مسببها
عز الله ان الك عندي منرلٍ عالي
لكن رفقاً بروحي لا تعذبها
ولا تفرّح ارجوك عذالك وعذالي
اللي لحون الجفا والصد تطربها
