أبا اتمنى كيفة البال واختار
لو كان يضحن التماني على فوش
شفي على سود على صالي النار
والكل منهن فوقها تقل طربوش
ومولم يبعد يمينك عن الحار
يشدي لعنق الديك والخشم مطوش
وشامية تقدم تقل لون مصهار
تلقى قفاه لحامي الجمر مفروش
ونجرن غريب باللحن يدعي الجار
حسه ليا نشته تقل حسن شايوش
وصينية سوقه خفيف بالاديار
عليه من الذود المغاتير قنطوس
وبرية تبكي على كل صبار
وتنثر دموع وتمحش الدمع بقروش
مثل الهنوف من المناعير تختار
ولا تاخذ الا مرخص العمر بالهوش
يازين صفتهن بمجلس هل الكار
حلو قبلهن مع قبل كل هشهوش
