الصوره اللي كملت زينة الدار
اليوم جيت الدار ما شفتها فيه
تكفون خلو صورة الشيخ تذكار
لا صار مات الشيخ نحيا بطاريه
ذيب الحصاه اللي بنى الدار واختار
درباً صعيب من مشى فيه يشقيه
ليت المنايا جنبت عنك يا ذعار
كم واحدٍ فرقاك شلت خطاويه
بس الحكم للي على الخلق جبار
عالم دبيب النمل لا سار يوحيه
قلبي كما زرعٍ ثعا فيه معصار
موت العوارف قاطعٍ له عراويه
جلست انا في مجلسٍ فيه شعار
واسمع رثا في الشيخ والكل يبكيه
طلعت أنا من مجلس الشيخ منهار
وادرى صوابٍ في الحشا كنت كانيه
أن كان يا بن حويل فيك الدهر جار
ترى الدهر يا شيخ من عاش ينبيه
اصبر على صكات بقعا والاقدار
واطلب جليل الملك يجزل حسانيه
ما دام ابو خالد على منهجه سار
جا في مكان الشيخ شيخٍ يحاليه
اخوانه رجال على الطيب حضار
من صلب ابو نايف عسى الخلد تاويه
