طفلةٍ بالهم تكبر ترضع الحسره وحيده
او يتيمه بوسط اهلها في زمن عيايليني
او طفل قلبه تحرق ماتت امه يوم عيده
هذا حالي ويعلم الله كل عرقٍ بي طعيني
تعبت اقدامي دروبي ملت الرمضه الزهيده
شلت همومي خيالي يا شقا الدنيا اعتقيني
بانسى فرحي وابتهاجي بانسى ايامي السعيده
بانسى دمعاتي بعيني والمس جروحي بديني
تدمى ما تدمى ما عاد يهمني.. ميت وريده
ها لخفوق اللي جبرني بالاسى باقي سنيني
لعنبوه حاضن جروحٍ لو تزيد والله تبيده
لعنبوه ضيع حياتي بين اهات وونيني
ما اجبره خله كسير ولا طرا بانه يعيده
ارتجيته حضن يحمي ما هو نارٍ تكتويني
آه يا قلب شقاني والهنا مزنه بعيده
آآآآه يا دنيا عذابي لي متى همك يبيني؟
ما لقيته قد كفاني يا عمر طايل مديده
هو متى باجفى حياتي بابيض لباس يحويني
عمر طفله ترجمانه حروف معنى هالقصيده
ما اكتمل عشرين عام وصبرها شيخٍ سجيني
